Puntu eus domeinuetan prezio bereziak

Martxoaren 8tik 12rarte .eus domeinuak 15€tan erregistratzeko aukera dago. Emakumeen presentzia digitala bultzatzeko asmoarekin martxan jarritako kanpaina txiki bat da, baina denon eskura dago beherapena. Ni aldakur.eus domeinua martxan jarri dut. Horregatik, gaurtik aurrera blog honetara .eus, .com eta .net helbideak erabilita iritsi zaitezke. Lan bikaina egiten ari dira PuntuEus fundazioatik eta aukera hauek aprobetxatu behar dira interneten euskaldunok dugun presentzia zabaltzeko.

Beraz, .eus domeinua erregistratzeko deialdia luzatzen diot edonorri,  batez ere, emakume euskaldunei. Internet eta teknologi berrien parte zaretelako. Eman bultzada euskaldun bat zuen proiektuei.